Tasim Gjokutaj - Keci që s'bëri detyrat (e ilustruar)

Tasim Gjokutaj - Keci që s'bëri detyrat

  

Doli dielli, hyri hëna...

- Çohu, kecush! - i thotë nëna.

- Çohu, gjumash! - i thotë babi.

Keci s'tundet nga krevati.

Tasim Gjokutaj - Shpejt i rregulloni

Lopa bëri qengj bardhosh,

delja bëri viç larosh,

pula klloçkë bëri kec,

kec të vogël grindavec,

dhia ngrohu dhjetë vezë

dhe nxorri zogj të zes...

Fjalët, duke shkruar,

më janë ngatërruar,

ju që i lexoni,

shpejt, i rregulloni!

Tasim Gjokutaj

Tasim Gjokutaj - Obobo i ziu ç'bëra!

Dikur, në një përrallë të lashtë,

na ishin katër shokë bashkë:

një qen, një mace, një gomar,

një gjel i bukur pendëar,

që bënin plot gjëra të rralla,

për ta ka folur dhe përralla...

Tasim Gjokutaj - Qeshi gjeli ki,ki, ki...

Dje, në fshat,

na erdhi Meti,

djalë i vogël

nga qyteti.

Poshtë në fushë

ca qengja pa

dhe u tha:

Tasim Gjokutaj - Të gjithë në punë

-Babi punon,

mami punon,

Linda e vogël

vjershën mëson.

-Po ti mace,

mace përtace,

pse rri te soba

dhe i shikon?

Tasim Gjokutaj - Flutura Fjalëbukura

 A e njihni?

Kjo është Flutura,

që përdor

fjalët e bukura.

Çel nga gjumi

sytë e zes,

u thotë prindërve:

"Mirëmëngjes!"

Abetare - Ç'ke harruar, moj Valbonë? (e ilustruar)

Odhise Grillo - Ishte mi i vizatuar

Qamil Guranjaku - Vendi im

Sa pyje, male,

fusha me lule,

kroje t’argjenda

ka vendi im!

Burra vigana,

djem si petrita,

gra, vasha t’bukura

ka vendi im!

Si za bilbili,

porsi valë deti

vjen gjuha Shqipe

e vendit tim!

Ku gjinden zanat?

Ku gjinden trimat?

Ku gjinden nanat

si n’vendin tim!

Qamil Guranjaku

Qamil Guranjaku - Kam një Qengj që Ha Bar

Kam një qengj, që ha bar,

me një zile në qafë varë.

Kam një qengj, një larosh,

që ma quajnë Bukurosh.

Kiçi-kiçi plot me gaz,

unë e ndjell ai vjen pas,

be-be-be blegërin,

turret prapa e m’arrin.

 E me brirët dap e dap

do t’më hedhi mu në trap,

por s’më hedh se më ka shok,

prandaj lozim të dy tok.

Qamil Guranjaku

Abetare - Alfabeti Shqip

Dionis Bubani - Shpendi i Keq…

Këngë - Hapa-Dollapa

Hapa dollapa

Kush është fshehur mbrapa,

Hopa Albana,

Dil se të kapa.

Hapa dollapa,

Tek pema fshehur je,

Të pash, të pash,

Dil pra Albana.

Odhise Grillo - Fjala Është e Vogël Shumë

Fjala është e vogël shumë:

disa shkronja, disa rrokje…

Ajo rrjedh si mjaltë e qumësht

midis miqve, midis shokëve.

Fjala është e vogël shumë:

dhe e ashpër, dhe e brishtë…

I ngre valët perçeshkumë,

kur vërsulet mbi armiqtë.

Fjala është e vogël shumë:

T’ëmbëlson a vret si plumbi…

Fjala është si një urë

që lidh brigjet e një lumi.

Odhise Grillo

Mark Krasniqi - Përtaci

Një njeri përtac

s’punonte aspak.

Puna më e vogël

i bëhej farmak.

Një herë s’kish ushqim,

bukë s’i jepnin tjetër,

shkoi pra në fushë,

te një dardhë e vjetër.

Xhevahir Spahiu - Kënga e Abetares

Abetare, abetare,

Sillma diellin në dritare!

Lehtë, lehtë e bukur, bukur,

Dora ime, sa e lumtur,

Hap një faqe kthen një fletë

Nëpër shkronja – bota vetë.

Rrjedh në fjalë plot kumbim,

Gjuhë e lashtë e vendit tim.

Me ty mendjen lartësoj,

Me ty zemrën e gëzoj,

Bëhem zog e fluturoj.

Abetare, abetare,

Ti je dielli në dritare.

Xhevahir Spahiu

Dionis Bubani - Pasuria më e Çmuar

Odhise Grillo - Me Bardhoshin Fle Rehat… (e ilustruar)

Odhise Grillo - Mira dhe Lira (e ilustruar)

Abetare - Duart Tona (e ilustruar)

Mehmedali Hoxha - Kur Bie Shi

Retë shkojnë palë-palë,

kur bie shi.

Lumi rritet valë-valë,

kur bie shi.

Flladi këndshëm e njom arën,

kur bie shi.

Bujku gëzueshëm e hedh farën,

kur bie shi.

Lulja e bukur çel te lumi,

kur bie shi.

Një djalë të vogël e zë gjumi,

kur bie shi.

Mehmedali Hoxha

Poezi - Gjithçka Ndryshon

-    Nganjëherë ndriçon dielli,

nganjëherë bie shi.

-    Nganjëherë bie borë,

nganjëherë fryn stuhi.

-    Moti ndryshon

kur koha kalon.

Andon Zako Çajupi - Miku i vërtetë

Në zjarr zbukurohet ari,

miku i mirë është si zjarri,

vërtetë na qorton me gojë,

të prapë kur të na shohë,

por kur të kemi nevojë,

me zemër do na kërkojë

ndë rrezik të na shpëtojë.

Përkundër, një mik i lig

s’tregohet kurrë besnik;

dhe kur sillemi të marrë,

na thot si na vjen mbarë;

dhe në rrezik kur takojmë,

s’na qaset as ta kërkojmë.

Andon Zako Çajupi

Odhise Grillo - Tri “L-të” Ç’janë? (e ilustruar)

Odhise Grillo - Blerta na Harroi Gërshetat (e ilustruar)

Adelina Mamaqi - Pyetje për Mamin

-Mami, jam e bukur unë?

Thotë mami:

-Shumë, shumë.

-Jam si lule?

-Më e bukur,

se je lule, edhe flutur.

-Jam si zog?

-Je kanarinë,

Këng’ e lodra mbush shtëpinë.

-Jam si yll?

-Me shumë je,

në çdo sy një yll ti ke!

-Jam si hënë?

-Jo, je diell,

dritën mua ti ma sjell.

-Jam si zemër?

-Jo, je jetë,

je më shumë se unë vetë!

Adelina Mamaqi

Xhevahir Spahiu - Koha vrapon

Mëngjes. Mesditë. Mbrëmja tretet…

Nga kalendari fleta ra

Shkoi dhe një ditë; unë pyes vetveten:

“Ditës ç’i dhe e çfarë të dha?”

Një ditë shkon, pas saj vjen tjetra,

Ti mbjell një pemë, një gur ti vë

Nga guri, ja, u ngrit ndërtesa,

Dhe pema pyll i madh u bë!

Koha vrapon. Vrapon si lumë;

Nga kalendari fleta ra.

Vetvetes pyetjen i bëj unë:

“Ditës ç’i dhe e çfarë të dha?”

Xhevahir Spahiu

Konstandin Kristoforidhi - Ylli i vogël lart në qiell

Yll i vogël lart ne qiell,

duket porsi zjarr në pyll,

sipër dheut lart qëndron,

xixa, xixa, xixëllon.

Disku i diellit kur perëndon,

nata hijen e lëshon,

ylli veten e zbulon,

xixa, xixa, xixëllon.

Dritë e yllit kur shkëlqen,

udhëtarit ç’i pëlqen,

natën errët ku po shkon,

udhën vetëm s’e harron.

Natën çuni kur shikon,

sipër botës, fort mendon,

mendtë e tija ç’i habit

yll i vogël se si ndrit.

Kostandin Kristoforidhi

Naim Frashëri - Fjalë të urta në vjersha

Punë, punë natë e ditë,

që të shohim pakëz dritë!

Kohën dhe çdo punë e ndaj,

çdo punë ka kohën e saj.

Sado i pasur të jesh,

punën të mos e lësh.

Kush përpiqet e punon,

gjithë punët i mbaron.

Mos ji me dy faqe kurrë,

ji i mirë, i drejtë e burrë!

Miku njihet që është mik,

në të keq e në rrezik!

Naim Frashëri